100 отбасын баспанамен қуантайық

5 жылда 1000 баспана табыстаған "Харекет" қайырымдылық қоры "100 күнде 100 баспана" ауқымды қайырмдылық жобасын бастайды!

Жоба басында "Харекет" қайырымдылық қорының негізін қалаушы Гүлмира Мұханқызы ханым халыққа үндеу айтты:

"Елімізде болып жатқан табиғи апат қаншама үйлер мен мал-мүлікті суға алып кетті. Өкінішті. Мүмкін, мал-мүлікке зекет берілмей жатқан болар. Бұл да бір белгі шығар.

Құрметті бауырлар! 100 отбасын қуантайық деген ниетпен Аллаға тәуекел етіп, "100 күнде 100 баспана" атты жобамызды бастадық".

Сөз соңында Гүлмира ханым:

"Садақа ризық-несібені кемітпейді, керісінше көбейтеді" демекші, сіздерден қолдау күтеміз. Әрдайым "Харекет" қорын қолдап жүрген сіздерге Алла разы болсын. Садақаларыңыз қабыл болсын. Алла тағала отбасыларыңызға ынтымақ, бірлік, береке берсін. Еліміз аман, жұртымыз тыныш болсын. Біздің күшіміз - бірлікте" - деп тілегін білдірді.