Қыздарымды қалай тастап кетемін?

Бұл отбасы бүгінде жалдамалы үйде тұрып жатыр. Олардың ең үлкен уайымы да, ең асыл арманы да екі қызымен байланысты. Алмагүлдің мүгедектігі бойынша II тобы, ал Алтынгүлдің I тобы бар.

Анасы отбасын асырау үшін асханада жұмыс істейді. Ал ата-ананың бар тілегі қыздарының алаңсыз, тыныш әрі қауіпсіз ортада, өз үйлерінде өмір сүруі.

Әкесі қыздарының бір күні сөйлеп, қатарынан қалмай, өздігінен өмір сүріп, бақытты балалық шаққа бөленгенін армандайды. Бірақ оның жүрегіндегі ең үлкен қорқыныш та бар. «Бір күні менің көзім тайып кетсе, қыздарымның жағдайы не болады?» деп алаңдайды.

Соған қарамастан, ол үмітін үзбейді. Қыздарының әлі де сауығып, жағдайлары жақсарып, өмірлерінің жақсы жаққа өзгеретініне сенеді.

Бұл отбасының ең үлкен арманы – өз баспаналарына қол жеткізу. Қыздарына жайлы әрі қауіпсіз орта сыйлап, ертеңіне алаңдамай өмір сүру.

Олардың осы арманын бірге жүзеге асыруға көмектесейік. Әрбір көрсетілген көмек, әрбір аз ғана қаржы осы отбасының өз үйіне бір қадам жақындауына себеп болады.

Бір отбасының үмітін бірге ақтайық.