Жақсылықта жарысайық

Жақсылық жасау – адам баласының асыл қасиеттерінің бірі болса, жақсылықта жарысу Алланың құлдарына бұйырған ізгі амалдарының бірі. Асыл дініміз адамзатты тек жақсылыққа, мейірімділікке , ізгілік пен игілікке бөлеуді мақсат тұтады. Олай болса, ХАРЕКЕТ-ЖАҚСЫЛЫҚТЫҢ ЖАРЫСЫ. Осы қайырымдылық жарысынан бізде қалыс қалмайық.

Адамзаттың бәрін сүй -бауырым деп. Дәл осылай Абай атамыз айтқандай бір тудың астында жиналған әрбір адам менің бауырым, отбасым деп қарап әрдайым оларға көмек қолын созу, мұқтажын өтеу, ауырғанда көңілін сұрап, жәрдем беру бәріміздің міндетіміз, адамдық парызымыз.

Сауабы сансыз Садақа. Білесіз бе? Садақа 70 түрлі бәленің алдын алады. Бұлардың ең жеңілісі алапес ауруы.Сонымен қатар садақа барша ризық-несібенің, мал-мүліктің көбеюіне себепші.Күнәларды су сепкен оттай жойып, пендені қабір азабынан қорғап, қияметте қорған болатын амал.

Қайыр қылсаң, бүтін қыл. Біз әр мұқтаж жандарға баспана кілтін табыстап қана қоймай, сол үйдің сәбилеріне де қуаныш сыйлап келеміз. Әрбір мейрамдарда бүлдіршіндерді қуантып, олармен бірге көңілді күндер мен ән-күй кештер өткізіп, кей отбасының балаларына керек киімдері мен оқуға қажет құрал-жабдықтарын сыйладық.Бұл үлкен істің барлығы сіздердің қолдауларыңызбен атқарылып келеді.