1212 баспана

Сүйінші! Еңбекқор балалар баспаналы болды!

"Харекет" қорының "100 күнде 100 баспана жобасының кезекті баспанасы сегіз балалы отбасыға табысталды. 

Кішкентай балалары жазда көлік жуып ата-аналарына көмектесіп жүреді. Өздерінің үйлері болса екен деп армандайды.

"Жолдасым, өзім жұмыс істейміз. Жағдайымыз шүкір, тек адамның көптігінен сәл қиналып қалмасақ, барлығы жақсы", - деп көп балалы ана отбасы жағдайын айтты. 

Баспана кілтін табыстаған кезде өз көзіне өзі сенбей, отбасы мүшелері түгелдей жылап жіберді. 

"Қазақ еліне, біз сияқты көпбалалы отбасыға көмектесіп жатқан "Харекет" қорына алғыс айтамын", - деп Маржан ханым алғыс білдірді.

Жақсылық жасап жарысайық!